經已癈左既xanga 突然發覺自己得得地閒就寫番......今日痾到仆街......己經痾左8次，痾到屁股都穿窿，前幾次都試過痾到咁.....今次又食錯野......一定係大排檔既野唔乾淨.....又係腸胃炎....但次次睇腸胃炎醫生都係叫你痾清痾淨.......痾晒d 菌出黎........但今次都未常係太過利害哩......一食即痾.....正!.......所以無得出街........一出街真係食完野即刻急.......真係瀨屎........係屋企呆左成日.......都幾好.....當減下肥.......因為今次腸胃炎又瘦左5磅......easy ar!

由而家開始真係要注意下飲食......再腸胃炎.......真係連條腸都痾埋出黎

考試既日子真令人厭倦，廿二年既時間都係忙於讀書考試既生活當中，還有6個月既時間便進入社會大學，到時又會是何的光景呢?

努力做fyp 啦，而家有個research student 幫我手，我成個人都開心晒，起碼做fyp 而家有左方向，知道點sim. o的圖，點tune，唔識都有人問，真係好多謝個R.S. !!!!

個research student 係國內既，我覺得國內既人同我地香港既人做野好唔同，國內既人做野好勤力，佢地做research 係返朝9晚6 ，但係佢地會留到11點先走，佢地會好勤力係度睇paper 、做野，而我眼見既香港research 都係6點至7點就會鬆人，呢點我地香港人真係要反省一下，我地做事對工作既態度真係要向國內既人多多學習。可能有人會講佢地係無香港人咁聰明，要留多d 時間做野先做得好，但係有學者講過人的成功主要取決因素係後天努力，後天努力佔99%，天生聰明佔1%，勤力可以追回。世人無一成功人士講及他們自己成功的原因，無一離開努力、勤力這個主要元素。要成功的話，勤力是無他的。

今晚真係好surprise 加開心.......好多謝巨威 (大佬)........本身我只以為教會燒野食，你叫埋我去玩識下教會既朋友........點知你突然俾個surprise 我.....蛋糕出黎同我慶祝生日，我開頭以為唔知邊個生日，同我生日咁近，我仲幫手唱生日歌，點知原來係幫我慶祝，真係完全surprise.......好感動.......真係有d 想喊，巨威你實在太好啦........教會既所有朋友仔都好好..........真係好開心，好多謝你地.........一百萬個多謝.......

今日夜晚走左堂唸住同阿jan 同埋牛腩去睇黑社會.....因為由於阿jan 日話夜話死都要睇黑社會既緣故........我同牛腩俾佢煩到要睇黑社會.........走堂都陪佢去睇.........但去到朗豪坊UA......黑社會爆晒........我地逼住去睇童夢........睇童夢都無咩所謂，因為我地之前都話去睇.........

童夢都真係幾好睇..........幾感人..........連我都喊左出黎........本來真係忍到，我完全未試過係戲院睇戲睇到喊(o係屋企可能都有試過)......但今次真係俾佢打動左，可能因為前幾日我哥哥同我姐姐吵架，我覺得一家人親情的可貴，所以喊左出黎........其實佢個故事都幾簡單.......由細個突然變左老.........呢d 都係70 年代既橋，而佢叫人珍惜人生命寶貴既時間同玩親情牌又係老生常談既電視idea. 但呢d touching 既位俾佢捉到好緊........所以真係俾佢打動到...........無計.....

而散場個時見到patting .........阿jan 仲話左俾佢知我喊.........俾patting 知道我係喊包.........